एकनाथ शिंदे ऐकत नसेल तर भाजपाने अजित पवारांसोबत सत्ता स्थापन करावी केंद्रीय मंत्र्याचे वक्तव्य

नवी दिल्ली : आज महाराष्ट्राचे मुख्यमंत्री एकनाथ शिंदे यांनी राजीनामा राज्यपालांकडे सुपुर्त केला आहे. महाराष्ट्रातील नव्या सरकारचा मुख्यमंत्री पदाचा चेहरा कोण असणार यावरून अजूनही महायुतीत जोरदार चर्चा सुरु झाल्या आहेत. एकनाथ शिंदे यांनी मुख्यमंत्री पदाचा राजीनामा राज्यपालांकडे सोपविल्यानंतर आहे. आता पुढचा मुख्यमंत्री कोण यावरून शिवसेना आणि भाजपात रस्सीखेच असताना एनडीएचे केंद्रीय मंत्री रामदास आठवले यांनी मोठे वक्तव्य केले आहे.

राज्यात एकनाथ शिंदे यांनी चांगले काम केले आहे, तसेच राज्यात त्यांचा चाहता वर्ग देखील चांगला आहे. त्यांना केंद्रात आणा. जर ते ऐकलेच नाहीत तर भाजपाने शिवसेनेला बाजुला करून अजित पवार यांच्या राष्ट्रवादीसोबत सरकार स्थापन करावे असे म्हटले आहे. शिंदेंनी अडीज वर्षे चांगले काम केले आहे. यामुळे त्यांनी केंद्रात यावे व देवेंद्र फडणवीस यांनी मुख्यमंत्री व्हायला हवे, असे आठवले म्हणाले आहेत.

एकनाथ शिंदेंच्या नेतृत्वात चांगल्या योजना आल्या, मोठे यश मिळाले. यामुळे महायुती एवढे चांगली कामगिरी करू शकली आहे. यामुळे शिंदेंनाच मुख्यमंत्री करावे असे शिवसेनेच्या नेत्यांचे म्हणणे आहे.

शिंदेंनी फडणवीस आणि अजित पवार यांच्या उपस्थितीत मुख्यमंत्री पदाचा राजीनामा दिला आहे. विधानसभा निवडणुकीचा निकाल लागून तीन दिवस झाले तरी महायुतीचा मुख्यमंत्री कोण हे ठरत नाहीय. सर्वात मोठा पक्ष म्हणून भाजपाला मुख्यमंत्री पद हवे आहे. फडणवीस यांच्या नावावर अजित पवारांची देखील संमती आहे. परंतू तिकडे शिंदे शिवसेनेत कुरबुर सुरू झाली आहे.